3

4.

Kreuznach, 1375, April 3. Item so hant sie gefragit: Sie hettin irre gehait mit eime scheffin und lian einen anderen gekorn an sine stat, den sie gern hettin, als ein recht ist; nü wil er iz nit dun und spricht: er in könne iz nit gewarden, er wil riden und wil sinen frunden dienen. Nu gernt sie zu irfarin an eime orteil: ob sie einen anderen gekiesen mögen die wile der lebet? Des ist gewisit zu eime rechtin: Nein, sie in solen keinen anderen kiesen die wile er lebet. Sie solen in gütlichen virboden, daz er bi sie kome und swere und helfe in daz gerichte halden und du als sie dfint. Wil er iz dan nit dun, so solen sie iz irem herren sagen und der sal in helfin; wil iz der herre nit dun, so solen sie also lange ane gerichte sin, biz daz in der herre darzu gedringit.

5.

Flonheim, 1375, April 3. Item die scheffln von Flariheim hant 1 ) gefragit: Iz weren dri geswesteren, zwene man und eine frauwe, und berieden die zwene gebruder die suster und gaben ir einen man. und gieng abe ane libeserben. Und sprachen die zwene gebruder dem swager zu umb buteilunge, und swür er dem eime brüder zwene eide, daz er sohle sine lebtage in dem güde blibin sitzen ungeschurget und geschalden; und der ander brüder irliess in der eide. Und 2 ) ist der brüder auch doit, dem er die eide swür, und hait einen son gelassen; nu ist er dar gegangen und hait sich doit 3 ) gemacht und hait dem an­derem bruder daz gud ofgeben, der in der eide irliez. Und als balde er iz ime ofgegab, da virkauft er iz und gab iz sinre suster dochter wider of. Nü gernt sie 4 ) an eime orteil zu irfarin: waz rechtez der son zu dem gude habe? Des ist gewisit zu eime rechten: Solich recht als der vater darzü hatte, als hat auch der son zu dem gude 5 ).

Item so hant sie gefragit: da sie groze kost of gegangen; wer die kost gelden sole? — und gernt daz zu irfarin an eime orteil. Des ist gewisit zu eime rechtin: Hat er ir darumb zugesprochen mit gerichte und künde ime daz recht nit gescheen und muste dar­umb uzheishen, so mag er ir darumb züsprechen.

1) hs. gelöscht: einer von Altzey hat. 2) hs. nu vor und gelöscht. 8) hs. doit sich vor doit gelöscht. 4) hg. gelöscht: gerit er.

5) hs. ursprünglich: son dar zu.