4

6.

Caub, 1375, April 3.

Item die scheffln von Cube hant gefragit: Iz were ein man, den benotdurfte, daz er bürgen satzte, und gab den bürgen of alliz daz er hatte in dem gerichte bis also lange, daz er sie geloste. Und benotdurfte in sint me, daz er ander bürgen satzte zu den kauwerzinen. Des gingen die ersten bürgen dar und lasen den win und namen waz of dem gude waz und wolden sich losen. Da sprach der kauwerzin: iz in were nit also; er hette briefe, die alder weren, dan die ofgabe geschied were. Und waz die ofgabe den scheffln wol gehuchelich, wie lang iz waz gewest. Und clade der kauwerzin ser vil von in und quamen an gerichte und laz der kauwerzin des briefes eins deiles und gab in do dem schriber, daz er in vollen uzlas. Und las der schriber daz datum lenger dan die ofgabe geschien waz, und wurden die arme lüde uz dem gude gesatzt und m listen die arme lüde die schold virvachen mit dem kauwerzin, und baden in, daz er in den brief ganz widergebe. Und gab er in den brief ganz wider und ist der brief vor paffin und vor ander gelarte lüde gelacht und hant die gesehen, daz daz datum nit also lang in ist 1 ) als der schriber gelesen hait, und ist die ofgabe ee gescheen. Nu gerat sie an eime orteil zu ir- farin: waz er damit virbrochin habe? Des ist gewisit zu eime rechtin: Er in hat gein den scheffln nit recht getan und sal den armen luden wider keren, waz kuntliches schaden sie iz hant.

Item so hant sie gefragit: wie hoe er gein in virbrochen habe? — und gerat daz zu irfarin an eime orteil. Des ist gewisit zu eime rechtin: An ire gnade: Rieht er iz in, so mögen sie in lazen genügen; dut er iz nit, so sal in der herre helfin daz in gnüg geschee.

Item so hant sie gefragit: waz der kauwerzin damit virbrochen habe? — und gerat daz zu irfarin an eime orteil. Des ist gewisit zü eime rechtin: Er hat virbrochen an der scheffln gnade und an de,s herren gnade und sal die arme lüde wider insetzen und waz kuntliches schaden sie "des hant, den sal er in keren umb daz er iz beherten wolde.

7.

Heimbach, (1375, October 6.?) Actum sabbato post Eemigii episcopi. Item Henne von Hem­bach scheffln hat gefragit von eins wegen: Iz weren zwei eliche

1) hs. vielleicht mist.