[13.]
9
hannes nachclage weder möge oder macht haben. Und meint auch also: sint dem male daß Hulshoven den kosten verloren habe, so si er auch trächtig nit gewest zu den guden, und hoffite und truwite, diewile daz daz gud jungfrauw Getzicbin zu einr hant ofgeben si von Peder zum .Tongen und siner elichen husfrauw, so solle die ofgift und clage möge und macht haben und Johannes clage nit. Da solle in einig mann nit an irren, und gevalle im daz mit urteil hie, daz wolte er gern; were aber des nit, so heischen ich mid underdinge vor orteil an den obersten hof. Auch hat Peter Mertin verbot daz daz gerichte hat gewiset: wer den andern will erben an gerichte der solle daz tun mit siner elichen husfrauwen mit halme und mit munde. Item so hat Johannes of mandag nach dem achtzehendon dag zu orteil und zu recht gestalt: er hoffe und truwe, sint dem male daz Peder zum Jongen habe mit siner husfrauwen gegeben jungfrauwe Getzen alle ire recht, die sie zu den guden betten zu Mospach, so haben sie ez auch geben Hulshoven irem elichen manne, want sie zwo seien hetten und einen lip und nicht in sonderheid; und herumb so hoffite er, daz sine clagen solten Vorgang, möge und macht haben und nit Peder Mertins, und er Johannes auch der erste nach dem urteil ist gewest.
Und als daz gelesen was, do fragite sie der schulteisse: ob Peter zum Jungen und sin husfrauwe die gude Getzigen in ir einichs hant gegeben und sie die auch in ir einichs hant entphangen habe oder nit? Do entwerten erstmals ir ein deil Jo, und sagiten doch darnach, Peter zum Jongen spreche: c ich und min husfrauwe geben mim veterehin Geizen unser recht an den guden' — und stunde Huls- hover geinwertik und griff doch nit an den halm; und als Peter soliche redde gekört bette, do spreche Moer von geheisse des schulteissen: 'Junker Hidshover ! Ich nemen die gude usser uwer hant und enterben uoh im rechten und erben jungfrauw Getzicbin und ire erben mit den guden'. Und griffe Getzicbin allein an den halm und Htdshoven nit; also habe ez sich ergangen und nit anders.
Sententiatum: Diewil die scheffene zulest erkennent, daz Moer von geheisse des schulteissen die gude us Peters zum Jongen und siner husfrauwen hant genommen und sie und ire erben enterbet, und jungfrauw Getzichin und ire erben damit geerbet habe, und erkennent nit, das Getzigen gesprochen habe: £ ich entphaen die gude in mine einichs hant, so hat sie die gude nit macht gehabt zu vergeben ane Hulsbover iren elichen huswerte, und darumb sal Johannes clage auch macht han und forgeen und Peter Mertins clage abe sin.
Nota. Herteln von Waldaffen, scheffen zu Mosebach, promisit ut in forma.
Hr^Zl.