144
[89.]
lacht. Da ist Hen Clee komen und hait die guder usser kommet gehaben, und als hait scholtheiss und scheffen in beiden parthien tag gestalt, und sint auch beide parthien of den gestalten tag komen und hait Hen Bube Hen Gleen clage geben, wie das er in gudern sitze und die in habener haut hebe, der guder er wartende si, als wan Heinz Knocher, Cleis swegerher, nit si, so sullen die guder sin und siner erben sin, und si des versunet mit sime swegerhern, und hebe des erber kuntschaft, die selben guder Clee verkeufe und verwende; daz schade Hen Buben under hundert gülden, und heuschet darumb der hern gericht und der clagen ein antwert, und ob er darvor borgen wulde, so hebe er sin erber kuntschaft — und ist das verbot — und als er die clage verantwert, so habe er noch me an in zu sprechen. Als hait Hen Clee gefordert und heissen nennen die kuntschaft, wer die sin. Als hait Hen Bube benant zu kuntschaft den scholtheiss von Sorin und Tielen trosthes von Kirehpurg. Und die kuntschaft hait Hen Clee verbot und damit gesprochen: er hoffe und getruwe, die kuntschaft sulle in nit irren an sime rechten. Item ee Hen Clee die clage verantwert hait. do hait er gefordert an das gericht ein erkentenisse: wem man die guder erkenne? Da hait der scheffen und das gericht. eme Hen Cleen die guder bekant, wie das Heinz Knocher, sin swegerher, ime und sime wibe ufgetragen und geben habe an gericht, und das hait Clee verbot. Item beruf ist Hen Clee und sin furspreche komen, und hait sin furspreche geantwert: wie das Hen Clee hebe guder, die ime daz gericht bekenne, und hebe die guder besessen zehen jare, me ader minner, und sin sine, und habe auch so lange bi eme us- und ingangen ane richtlich, anspräche, und die sune und kuntschaft solle eme nit schaden an dem rechten, wann sin swegerher, der lebe noch, hebe er ime ader den sinen it geret, das er ime zuspreche und heisse ime halden — und damit die clage verantwert, und waz er in furter anlange, des si er unschuldig, und hait darvor geborget und damit den scheffen gefragt: wie er sich von Hen Buben bit dem rechten entslagen sulle? Als hait der scheffen in beiden parthien tag bescheiden zu virzehen thagen, daz Clee sulle kommen bit sinen nachfolgern und Hen Bube mit siner kuntschaft. Als ist igliche parthie komen of den tag, als in benant ist gewest, und hait Hen Buben kuntschaft bekant: wie das Heinz Knocher und Süss, Buben vader, umb die obgenanten guder versunet sin, als wann Knocher nit en si und von doits wegen abegangen ane eliche libskinde, so sullen die guder widder hinder fallen an Süssen und an Fesen als widderfellig gud — und sin bi der Birnen und entscheit gewest, und waz in darzu zu dun si, das wullen sie sich nit weigern. Als der scheffen die kuntschaft verhört hait, so bedunket sie die Sachen zu swere und nit wise zu sin, und han wir scheffen geheuschen an den oberhof, an das erber' gericht gein I., do uns zu erfarn und zu lerne daz rechte und sie die obgenanten parthien des zu entscheiden. Datum anno domini &c. xlij, of inventio sanete crucis (1442, Mai 3.).
Item Heinz Smid und Sibel der Wenner promisernnt, ut in forma.