Page
[24.]
2S
Ebersheim anders behalden hette, so stellen ich min worte abe und
lassen ez daz gerichte lengen und kurzen, jedermann zu sime rechten.
Auch hoffen und getruen ich bruder Clas vorgenant, sit dem male
daz mine frauwen die gulte gekauft hau uf den selben gudern und
nit verluhen, sie sollen miner frauwen ir gulte geben oder ir guder,
als ir instrument ludet.
II. Diz ist die entwerte, die Peter Hertrich getan hat bruder Clasen,
der ein furmunder und ein scheffener ist des convents der jungfrauwen
zu sant Ciaren, als sich dann der vorgenante bruder Clas von siner
jungfrauwen wegen zuhet of ein instrument, wie ich Peter Hertrich
vorgenant guder inhabe und der ein ganerbe si als von miner hus-
frauwen wegen, die den vorgenanten jungfrauwen alle jar jerlich xx
malter korns geben zu gulte. Item also han ich Peter vorgenant ge-
antwert: ist es sache daz mich bruder Clas vorgenant erwiset mit
brief ader mit lebendiger kuntschaft als ein recht ist, daz ich habe
einicherlei morgen in minen guden, des ich dann ein ganerbe bin ge-
west von miner frauwen wegen, so wil ich abelassen. Item han ich
auch bruder Clasen von siner jungfrauwen wegen erkant for gericht
der vorgenanten korngulte ein jar ader zwei an geverde und han in
auch die bezallet und bin in nicht mee plichtig, und daz hant sie
verbot. Item ich Peter Hertrich han auch der guder, der er mich
anlanget, in xj jaren nit gehabt und auch die gulde nit gegeben, und
hoffen und getruen, wes er mich davor anlange, des bin ich un¬
schuldig. Item ich Peter vorgenant han vor den xj jaren ufgesaget
und han mich auch andere ganerben darumb gebeten, die auch die
gulde sint der zid gegeben und gerächt han.
Sententiatum: Bringet bruder Clas bi, daz Peter der gude
inhabe ader daz der selben gude noch hinder den nachgeburen ein-
deils sin zu Ebersheim, die im zins davon geben, in massen er in
siner anspräche gesatzt hat, so sal im Peter die gude lassen folgen;
tede bruder Clas des nit, sweret Peter dann ein eid, als recht ist,
daz er der gude nit inhabe oder auch keinen zins davon neme, so
ist er im darumb nust schuldig.
Item hant die egenanten seheffene gefraget: wie bruder Clas
daz bibringen solle? Sententiatum: Mit gerichte oder mit guden
versiegelten brieten oder mit drin oder mee erbern mannen, die nit
von parthien sin, die da sweren — ut in forma.
Item in wilcher zid? Sententiatum: Ueber xiiij dage —
ut in forma.
Item umb den kosten? Sententiatum: Der sal verlieben
steen bit zu ende dieser wisunge und rechten, und wer dann eins
unden lit, der lit auch des andern unden.