227

Loset, was i euch will sage!

D'GIocke het Oelfi g'schlage.

Und wer no an der Arbet schwitzt,

Und wer no bi der Charte sitzt, dem bieti iez zuem letztemol —

's isch hochi Zit — und schloset wohl!

Loset, was i euch will sage!

D'Glocke het Zwvlfi g'schlage.

Und wo no in der Mitternacht e G'müeth in Schmerz und Chummer wacht, se geb der Gott e rueihige Stund, und mach di wieder froh und g'sund!

Loset, was i euch will sage!

D'Glocke het Eis g'schlage.

Und wo mit Satans G'heiß und Roth e Dieb uf dunkle Pfade goht,

— i will's nit hoffen, aber g'schieht's — gang heim! der himmlisch Richter sieht's.

Loset, was i euch will sage!

D'Glocke het Zwei g'schlage.

Und wem scho wieder, eb's no tagt,

Die schweri Sorg am Herzen nagt,

Du arme Tropf, di Schlof isch hi!

Gott sorgt! es war nit nöthig gsi.

Loset, was i euch will sage!

D'Glocke het Drü g'schlage.

Die Morgenstund am Himmel schwebt,

und wer im Friede der Tag erlebt,

dank' Gott, und saß e frohe Mueth,

und gang an's G'schäft, und — halt di guet!